HOW TO FIND ANDROID MOBILE PHONE ISSUES

Safe Mode මගින් ඇන්ඩොයිඩ් දුරකතන දෝෂ හදුනාගැනීම.

       
           කල් ගත වීමත් සමග ඇන්ඩ්‍රොයිඩ් උපාංගයක ඇතුලත් ඇප් ප්‍රමාණය ක්‍රමයෙන් ඉහළ යයි.එවිට දුරකතනය slow වීම , stuck වීම , crash වීම මෙන්ම හේතු රහිතව දුරකතනය  Restart වීම වැනි ගැටලු ඇතිවෙයි.මෙවන් ගැටලු උත්සන්නවී ගොඩගැනීමට නොහැකි මට්ටමේ පවතින දුරකතන යතා තත්වයට පත්කිරීමට ඇන්ඩ්‍රොයිඩ් දුරකතනයේ safe mode පහසුකම භාවිතා කල හැකිය.
    safe mode තුල සිදුවන්නේ ඔබේ දුරකතනයට ඔබ විසින් සම්බන්ධ කරන ලද ඇප් සියල්ල අක්‍රීය කර දුරකතනය නිෂ්පාදකයාගෙන් ලැබෙනවිට තිබූ ඇප් පමණක් ධාවනය වීමයි.මෙහිදී දුරකතනය slow වීම stuck වීම , crash වීම හෝ restart වීම සිදුවන්නේ නැත.එබැවින් ඔබට දුරකතනයෙහි ඇති ඇප් ඉවත්කර ඒවා එකින් එක නැවත install කර බලමින් ගැටලුව ඇත්තේ කුමන ඇප් එකේදැයි සොයාගැනීමට හැකිය.
                   
 Safe Mode ක්‍රියාත්මක කිරීම 
        Android 4.1 Jelly Bean හා ඊටපසු සංස්කරණ වල නම් Power Button එක තදකරගෙන සිටියවිට Power Off මෙනුව මතුවන බව ඔබ දනී.එය මතුවූ පසු නැවත වරක් Power off බොත්තම තදකරගෙන සිටිය විට " Reboot to Safe Mode" ලෙස සංවාද කොටුවක් විවෘත වෙයි.එහි " OK " විධානය ස්පර්ශ කළපසු  දුරකතනය Restart වනු ඇත්තේ Safe Mode තුළටයි.
        Android 4.1 Jelly Bean සංස්කරණයට පෙර පැරණි සංස්කරණ වල නම් දුරකතනය ක්‍රියා විරහිතකර නැවත ක්‍රියාත්මක කරන්න. දුරකතනය පණගැන්වෙන විට නිෂ්පාදකයාගේ Logo එක දර්ශනය වෙයි.එවිට volume up හා volume down බොත්තම් තද කරගෙන සිටිය විට දුරකතනය Safe Mode තුළට boot වනු ඇත.
   Safe Mode හි ධාවනය වන විට තිරයේ පහළ දාරයේ Safe Mode ලෙස දර්ශණය වන අතර ඔබ විසින් ස්ථාපනය කළ තෙවන පාර්ශ්වීය ඇප් හා widgets දක්නට නොලැබෙනු ඇත.safe mode තුලදී දුරකතනය slow වීම යනාදී ගැටලු පැන නොනගීනම් ගැටලුව ඇත්තේ ඔබේ ඇප් එකක් තුලය.
                   දුරකතනය තුල ඇප් දර්ශණය නොවුවද, settings හි Apps තුළ ඔබේ ඇප් සියල්ල සාමාන්‍ය පරිදි uninstall කිරීමට හැකිය.ඔබ මෑතකදී install කල ඇප් ඇත්නම් ඒවා කීපයක් මුලින් ඉවත්කර බැලීම නුවනට හුරුය.ඔබට අවශ්‍යනම් සියලු ඇප් ඉවත්කර දුරකතනය විසන්ධිකර සාමාන්‍ය ආකාරයට පනගන්වා ඒවා එකිනෙක නැවත install කරමින් ගැටලුව ඇත්තේ කුමන ඇප් එකෙහිදැයි සෙවීමට හැකිය.නැතිනම් ඔබ අවසානයටම install කල ඇප් එකෙහි සිට අනුපිලිවෙලින් එකින් එක ඉවත් කරමින් ගැටලුව ඇත්තේ කුමන ඇප් එකෙහිදැයි සොයා බැලීමට හැකිය.
   මෙම ක්‍රියා මාර්ග වලින් පසුවත් ඔබේ දුරකතනය දෝෂ සහිතව ක්‍රියාත්මක වන්නේනම්,ඔබට දත්ත Backup කර දුරකතනය Factory Reset කිරීමට සිදුවනු ඇත.
   
                  උපුටාගැනීම  "දුරකතන" මාසික සගරාව.....