‍FISH OIL IS AN AMBROSIA ??

 ලෙඩ සුව කරන මත්ස්‍ය තෙල් ඔබත් ආහාරයට එකතු කර ගන්නවාද ???? 

.

                             සාඩින්,මැකරල්,ටූනා,හෙන්රි,ට්‍රවුටි හා සැමන් යන මත්‍ස්‍යයන්ගෙන් නිස්සාරනය කරන මත්ස්‍ය තෙල් බොහෝ ලෙඩ සඳහා වටිනා ඔසුවක් බව සොයාගෙන ඇත.ඔ‍මෙගා 3 මේද අම්ල වන DHA (docosahekxaenonic acid) සහ EPA (eicosapentaenoic acid) යන මේද අම්ල මත්ස්‍ය තෙල් වල අඬංගු වීම මෙයට හේතුවයි.මීට අමතරව විටමින් A හා D ද පවතී.මත්ස්‍යයන් ඇල්ගී අාහාරයට ගැනීම හරහා මෙම EPA ඔවුන්ගේ ශරීර ගත වන බවට කරනලද පර්යේෂණ වලින් අනාවරනය වී ඇත.DHA යනු මිනිසාගේ මොලයේ,ඇසෙහි හා සුක්‍රාණු වල ඇති ප්‍රධාන මේද අම්ල සංඝටකයක් බවට සොයාගෙන ඇත.මොලයේ ඇති බහු අසංතෘප්ත අම්ල අතරින් 40% ක් පවතින්නේ මෙම DHA මේද අම්ලය බවට සොයාගෙන ඇත.

නිව්රෝන ප්ලාස්මා පටලයේ ස්කන්දයෙන් අඩක්ම මෙම DHA මේද අම්ලය අඩංගු බවට සොයාගෙන ඇත.DHA මේද අම්ලය මව්කිරි වලද බහුලව දැකිය හැක.

එදිනෙදා අාහාර සමග DHA මේද අම්ලය අවශ්‍ය පරිදි ලබා ගැනීම මගින් වයසත් සමග ඇතිවන දෘෂ්ඨී දෝෂ අවම කර ගත හැක.එමෙන්ම ගර්භනී මව්වරුන් ද අවසාන ගර්භනී සමයේ දී මෙම ඔමෙගා 3 මේද අම්ල භ‍ාවිතයෙන් ගර්භාෂයේ සිටින දරුවාගේ සන්නිවේදන හැකියාව වර්ධනය වන බව නවතම පර්යේෂණ මගින් සෙ‍ායාගෙන ඇත.හෘද රෝග සඳහාද මෙම DHA මේද අම්ලය දිව්‍ය ඔසුවක් බවට සොය‍ාගෙන ඇත.ට්‍රයි ග්ලිසරයිඩ මට්ටම අඩු කරමින්,කොලස්ටරෝල් තැන්ලත්වීම අවම කරමින් රුධිර නාල තුල හොඳින් රුධිරය සංසරනය වීම සඳහා උපකාරී ‍වේ.සමහර පුද්ගලයින්ගේ රුධිර පීඩනය නිරතුරුවම අඩු මට්ටමක පවතින බැවින් එවැනි පුද්ගලයින් වෛද්‍ය උපදෙස් නොමැතින ඔමෙගා 3 මේද අම්ලය භාවිතය සුදුසු නොවේ.යොවුන් වියේදී සිදුවන හැසිරීම් රටාවල වෙනස්වීම් මග හරවා ගැනීමටද මතක ශක්තිය වැඩිකර ගැනීමට ද මෙමගින් හැකියාවක් පවතී.අපස්මාරය පවතින රෝගීන් දිනපතා ඔමෙගා 3 සුලු වශයෙන් ආහාරයට එක් කර ගැනීමෙන් රෝගීන් තුල ඇතිවන අසාද්‍ය තත්නයන් මග හරවා ගත හැකි බවට සොයාගෙන ඇත.එමෙන්ම විටමින A බහුලව ඇති මත්ස්‍ය තෙල් අනුභවයෙන් අක්මාවේ රෝග ඇති විය හැකි බැවින් එ් පිළිබඳවද සැලකිලිමත් වීම අනිවාර්ය කරුණකි.එබැවින් අනුමත ප්‍රමාණවලින් ගැනීම තුලින් එම ගැටලු මග හරවා ගත හැක.

මෙම මත්ස්‍ය තෙල් පරිභෝඡනයේ අහිතකර බලපෑමක් ලෙස කර්මාන්තශාලා හරහා සිදුවන ඡල දූෂණය නිසා රසදිය,ලෙඩ් ආදී බැර ලෝහ හා රසායනික අපද්‍රව්‍ය මත්ස්‍යයින්ගේ ශරීර ගත වීම හේතුවෙන් එම අපද්‍රව්‍ය නීරෝගී පුද්ගලයින්ගේ ද ශරීරගත වීම පෙන්වා දිය හැකිය.

කෙසේ නමුත් බොහෝ ගුණාංග වලින් සපිරි මෙම දිව්‍ය ඔසුවක් බඳු මත්ස්‍ය තෙල් ඔබේ ආහාරයටත් එක් කර ගැනීමෙන් නීරෙ‍ා්ගී දිවියක් ගත කරන ලෙසට ඔබ සැමට අවධාරනය කර සිටිමි.

හැමෙ‍ා්ටම දැනගන්න මෙම ලිපිය SHARE කරන්න අමතක කරන්න එපා.....