Are your Lap Top battery show wrong details every time ????

ඔබේ ලැප්ටොප් බැටරිය වැරදි තොරතුරු ලබා දෙනවාද???

මෙන්න විසදුම
     
    ඔබ නිසි පරිදි ලැප්ටොප් පරිඝණකයේ බැටරිය පිළිබද සැලකිලිමත් වනවා නම් එය සම්පූර්ණයෙන්ම බැස යාමට ඉඩ නොදිය යුතුය.එසේම සියයට 10 ට වඩා අඩු මට්ටමට බැටරිය බැසගිය වහාම එය නැවත 100% ක මට්ටමට චාර්ඡ් කල යුතු අතර බැටරිය සුලු වශයෙන් බැසගොස් ඇතිවිට එය චාර්ඡ් නොකල යුතුය.

කොතරම් හොදට ලැප්ටොප් පරිහරණය කලද ඒවායේ බැටරි කාලයත් සමග දුර්වල වීම සාමාන්‍යයි.කෙසේ වෙතත් බොහෝ ලැප්ටොප්වල බැටරිය අවප්‍රමාණ වූ විට එහි තවත් කොපමණ කාලයක් සදහා බැටරි බලය ඇත්දැයි පෙන්වයි.මෙම තොරතුරුවලට අනුව සමහර ලැප්ටොප් මිනිත්තු 20 ක් පමණ භාවිත කල හැකි බව පවසා සිටියද හිටි හැටියේම බැටරිය බැසගොස් ක්‍රියා විරහිතවීම සුලභ කරුණකි.

     මෙයට හේතුව වන්නේ භාවිතය, කාලය , උෂ්ණත්වය වැනි සාධක නිසා බැටරියේ තත්වය වෙනස් වීමත් සමග පරිඝණක මෘදුකාංග වලට බැටරියේ නිසි නිර්ණය කිරීමක් කිරීම අපහසු වීම නිසාය.මෙම ගැටලුව විසදා ගැනීමට නම් ඔබ මාස දෙකකට තුනකට වරක් වත් බැටරිය   Top - Up  කල යුතුය. මෙය බැටරිය Calibrate කිරීම ලෙසද හදුන්වයි. මෙමගින් ඔබේ බැටරියේ ආයුකාලය දීර්ඝ වන අතර පරිඝණකයේ දර්ශණය වන බැටරි බලය හා බැටරි කාලය බොහෝ දුරට නිරවද්‍යවම දර්ශනය වනු  ඇත.

              බැටරිය Calibrate කරන ආකාරය ඔබේ ලැප්ටොප් එකෙහි Manual  එකෙහි නිෂ්පාදකයාගේ වෙබ් අඩවියෙහි අඩංගු වන අතර එය සිදු කරන ආකාරය පහත පරිදි වේ.

1. ඔබේ ලැප්ටොප් බැටරිය 100% ක් charge කර ගන්න.
2. විදුලිය සම්බන්ද කර තිබියදීම පරිඝණකය පැය දෙකක් පමණ භාවිත නොකර තිබෙන්නට ඉඩ හරින්න.මෙවිට බැටරිය රත්වී ඇත්නම් සිසිල් වී සාමාන්‍ය උෂ්ණත්වයකට පත්වනු ඇත.
3. ඔබගේ පරිඝණකයෙහි control panel හි  power options හි  change when the computer sleeps වෙත පිවිසෙන්න.එහි on battery යටතේ  turn off display හා ' put the computer to sleep' ලෙස  drop down menu දෙකක් ඇත.ඒවා බොහෝ දුරට 5 minutes හා 15 minutes ලෙස සකස් කර ඇති අතර ඒ දෙකට never යන තත්වතට මාරු කරන්න. ( calibrate කල පසු නැවත පෙර තත්වයට මාරු කල යුතු ය.
4. එම මෙනුවෙහිම change advanced power options වෙත පිවිස එහි battery යන අංශයට පිවිසෙන්න. මෙහි Critical Battery Action යන්නට sleep හෝ Hibernate යන්න ලබා දෙන්න. ඉන්පසු critical battery level යන්නට 5% ක් ලබා දෙන්න.
5. දැන් පරිඝණකය විදුලියෙන් විසන්දි කර බැටරිය සම්පූර්ණටයන් බැස යන්නට හරින්න.සාමාන්‍ය පරිදි පරිඝණකය භාවිතා කිරීමට හැකි වුවද games ක්‍රීඩා කිරීම , අන්තර්ඡාලයේ හැසිරීම වැනි දැඩිව බැටරියට බලපෑම් කරන ක්‍රියාවන්ගෙන් වලකින්න.
6. බැටරිය සම්පූර්ණයෙන්ම බැසගොස් පරිඝණකය අක්‍රීය වූ විට එය පැය 5ක් පමණ එලෙසම තිබෙන්නට හරින්න.
7. දැන් ඔබේ පරිඝණකය 100% ක් charge කරන්න. ඉන්පසු 3 වන පියවරේ සිදුකල වෙනස්කම් නැවත පෙර තත්වයට පත් කරන්න.

මෙම ක්‍රියාවලියෙන් පසු ඔබේ පරිඝණකය නැවත වඩාත් නිවැරදි බැටරි තොරතුරු ඔබට ලබාදෙනු ඇති අතර හදිසියේම අක්‍රීය වීම අවම වනු ඇත. මෙම ක්‍රියාවලිය මාස 2 - 3 කට වරක් කිරීම ඔබේ බැටරි ආයු කාලය දීර්ඝ කරනු ඇත.

හැමෝටම දැනගන්න මෙම ලිපිය SHARE කරන්න.