ADVICE FOR REDUCE YOUR DATA COST

DATA වියදම අඩු කරගැනීමට උපදෙස්...

                                        WIFI භාවිත නොකරන දුරකතන හෝ ටැබ්ලට්වල ඇති DATA සබදතාව භාවිත කරමින් අන්තර්ඡාලයට සම්බන්ධ වන ඔබට ඇති ප්‍රබලම ගැටලුවක් වන්නේ DATA හෙවත් දත්ත සදහා වැයවන අධික මිලයි.ශ්‍රී ලංකාවේ ඡංගම උපාංග අන්තර්ඡාල වියදම් තරමක් ඉහල බැවින් මෙය අඩුකර ගත හැකි ක්‍රම පිලිබදව අද දැනගනිමු.

වත්මන් ඡංගම දුරකලනවල චින්තක බලය සාමාන්‍ය පරිඝණක යන්ත්‍රයට සමාන බැවින් 2G හෝ ඊට පෙර සේවා වලදී මෙන් GPRS වැනි ක්‍රමවේද හරහා ඡංගම දුරකතන සදහා විශේෂයෙන් නිර්මාණය කල අන්තර්ඡාල සංස්කරණ වලට පිවිසීම අවශ්‍ය නොවේ.එබැවින් ඡංගම උපාංගවලින් අන්තර්ඡාලයට වර්තමාණයේ පිවිසෙන්නේ අදාල වෙබ් අඩවියේ ප්‍රධාන සර්වරයටය.මෙය ප්‍රධාන වශයෙන් සකසා ඇත්තේ HD ඡායාරූප, විශ්ෂ FLASH අයිතම හා අනෙක් දත්ත ගොනු සහිතව පරිඝණක වලට ගැලපෙන අයුරිනි.එබැවින් ඡංගම දුරකතනයකින් හෝ ටැබ් එකකින් මෙවන් වෙබ් අඩවිවලට පිවිසීම සැබවින්ම මිල අධිකය. නමුත් ඡංගම උපාංගවල කුඩා තිරවලට මෙවන් විශාල දත්ත අවශ්‍ය නොවේ. මෙලෙස අනවශ්‍ය පරිදි විශාල දත්ත ගොනු ඡංගම දුරකතනයට ගැලපෙන පරිදි කුඩා කිරීම DATA COMPRESSION නමින් හැදින්වේ. මෙලස COMPRESS කරන ලද දත්ත දාමයක් හරහා ඡංගම උපාංග වලින් අන්ගර්ඡාලයට පිවිසීම සෑම අතින්ම වාසි සහගතය. දත්තවල ප්‍රමාණ කුඩා කර ඇති බැවින් වියදම අඩුවීම සාමාන්‍ය දෙයක් වන අතර වෙබ් පිටු කඩිනමින් විවෘත වීමද අතිරේක වාසියකි.

                          ඡංගම උපාංග සදහා ලබාගතහැකි Google Chrome හා Opera යන බ්‍රව්සර් ද්විත්වයේම මෙසේ DATA COMPRESSION පහසුකම් අඩංගු කර ඇත.


Google Chrome සදහා

         දත්ත භාවිතය අවම කිරීම සදහා ඔබ කල යුත්තේ chrome ඇප් එක විවෘත කර එහි ඉහල දකුණු පසින් ඇති තිත් තුනක් ලෙස දර්ශණය වන menu විධානය ස්පර්ශ කර එහි settings වෙත පිවිසීමයි. settings වල පහලින් ඔබට " Data Server " ලෙස විධානයක් දක්නට ලැබේ. එය තුලට පිවිස එහි දකුණු පස ඉහල ඇති off විධානය ස්පර්ශ කලවිට එය on ලෙස වෙනස් වනු ඇත. දැන් ඔබගේ chrome බ්‍රව්සරයේ දත්ත කුඩා කිරීම හෙවත් Data Compression සක්‍රීය වී ඇත.

Opera සදහා

         දත්ත භාවිතය අවම කරන පහසුකම හැදින්වෙන්නේ " off -Road mode " යන නමෙනි. ඔබ අන්තර්ඡාලයේ සැරිසැරිමට භාවිත කරන්නේ Opera නම් එහි ඇති O අකුරක් වැනි settings මෙනුවට පිවිස එහි ඇති Off - Road mode විධානය සක්‍රීය කළ හැක. wifi මගින් අන්තර්ඡාලයට සම්බන්ධ වීමේදී සිම්පතෙන් දත්ත ගිලිහීමක් නොවන බැවින් ඔබට wifi හරහා අන්තර්ඡාලයට පිවිසෙන විට අවශනම් ඉහත බ්‍රව්සර් වල මෙම පහසුකම අක්‍රීය කල හැකිය.කෙසේ උවද ඔබේ බ්‍රව්සරයේ  e-bay හෝ face book වැනි ආරක්ෂණය කරන ලද "https" වෙබ් අඩෙවි වලට පිවිසීමේදී මෙම දත්ත හැකිලවීමේ පහසුකම ක්‍රියාත්මක නොවන බව සිහි තබා ගත යුතුය. එබැවින් එවැනි වෙබ් අඩෙවි වල ( සමාඡ ඡාල , e-mail ,අන්තර්ඡාල වෙළදපොල ) ඡංගම දුරකලන ඇප් එක ඔබේ ඡංගම උපාංගයට ස්ථාපනය කිරීමෙන්ද සැලකියයුතු දත්ත ප්‍රමාණයක් ඔබට ඉතිරි කරගැනීමට හැකි වනු ඇත.